Консулдық ақпарат

06.11.2020. 12:53

12 қазаннан бастап Латвия Республикасының шекарасынан өткенде міндетті түрде covidpass.lv платформасында арнайы электрондық сауалнаманы толтыру керектігіне назар аударамыз. Латвия Республикасына келетін барлық азаматтар үшін аталған сауалнаманы толтыру міндетті шарт болып табылады. Латвия Республикасының шекарасын кесіп өтпей тұрып  48 сағат ішінде сауалнаманы толтыру қажет. 

Қазақстан Республикасындағы эпидемиологиялық қауіпсіздік жағдайы мен коронавирус пандемиясының таралуына жол бермеу шараларын есепке ала отырып, қазіргі таңда Латвия елшілігінде келушілерді шектеулі түрде алдын ала  мына сілтеме арқылы жазылу бойынша қабылдау жоспарланып отыр.

 

Мемлекет мүддесі мен гуманитарлық себептерге байланысты жағдайлардан бөлек виза алу үшін өтініштер тек сыртқы қызметтер көрсететін «Пони Экспресс» визалық орталығында келесі азаматтардан қабылданады:

  • Латвия азаматтарының отбасы мүшелері (азаматтығына қарамастан жұбайлары және 21 жасқа дейінгі балалары, қамқорлығындағы тұлғалар);
  •  Латвияға жұмыс міндеттерін орындау үшін кіретін халықаралық жүк және жолаушыларды тасымалдаушылар;
  •  Кемеге отыру үшін Латвияға кіретін теңізшілер;
  •  Гуманитарлық себептермен (мысалы, жерлеу рәсімі) Латвияға баратын тұлғалар;
  • Азаматтық және көші-қон мәселелері жөніндегі Басқарманың берген тұрақты тұруға ықтиярхат тіркеу немесе рәсімдеу жөніндегі оң шешімі бар тұлғалар (студенттерді қоспағанда);
  •  ЛИАА растамасы бар қызметкерлер мен мамандар;
  •  Спорттық федерация немесе федерацияның толық мүшесі ұйымдастырған халықаралық спорттық іс-шараларға баратын спортсмендер, дене шынықтыру спорттық ұйымдардың қызметкерлері және халықаралық спорттық ұйымдардың өкілдері. Еңбек келісім-шартын жасаған жағдайда  ЛИАА-дан растайтын құжат болу керек;
  •  Күндізгі оқу бөлімінің және алмасу бағдарламасының студенттері – жоғары оқу орнынан немесе колледжден оқытудың практикалық бөлімі және резидентурадағы клиникалық практикасы күндізгі оқу түрінде өтетінін растайтын растамасы болу керек;
  • Емделу мақсатында баратын шетелдік азаматтар (диагностика және терапия) және бұл сапар Латвия денсаулық инспекциясымен келісілген болу керек;

  • Cапар мақсаты мәдени және қоғамдық іс-шаралар өткізу қажеттілігіне байланысты Латвия Республикасының Мәдениет Министрі бекіткен мәдениет қызметкерлерінің белгілі бір санаттары.

Бұл өзгертулер сақтық шараларын сақтау үшін және инфекцияның таралуын барынша болдырмау үшін енгізіледі.

Сондай-ақ, телефон, почта және электрондық почта арқылы өкілдіктермен байланысу мүмкіндігін және өкілдіктер жұмысын тоқтатпауды қамтамасыз ету ары қарай жалғаса бермек.

Шетелдегі Латвия тұрғындарын өз денсаулығына және қасындағы адамдардың денсаулығына жауапкершілікпен қарап, пандемияның таралуын шектейтін жергілікті билік органдарының нұсқаулықтарын сақтауға шақырамыз.